长洲-黄埔村游记
2011-12-21 9:35:05
访问量:2923122
我不做走鬼好多年...
仲有好多拉杂野..中意咩同我讲声..半卖半送..详情请看日志.. 好吧.好耐无写日志..
应某人要求写呢篇游记..
顺便当系俾想去行下嘅人的一个指引...
首先系呢度感谢同我一齐去嘅电动牌自行车..多谢..
OK...去片... 由于此行嘅目的地系黄埔村(黄埔村唔系黄埔区)..
而由鱼珠码头去黄埔村有两个选择:
A:最简单的..直接系鱼珠码头坐<鱼珠-军校-新洲>嘅船就可以直达新洲..
BUT..一个钟只有一班船.貌似系每个钟嘅15分开出..价格忘记了..
B:系鱼珠码头坐去往长洲码头嘅班船(班次较多,行人5毫,单车+人1蚊/位),
然后前去深井码头乘坐深井-新洲班船（一个钟一班，逢每小时0分。30分开出,蚊2/位）
PS..坐船全部都可以刷滴滴卡...
接落黎..讲下路线以及沿途景点,仲有我嘅建议..
由于唔清楚船嘅开出时间..去到鱼珠码头嘅时候先知道..去新洲嘅船刚开出无耐..
于是唯有上佐去长洲嘅船.下面附送一张系船上影嘅落日图..
长洲码头出黎.就会有好多租单车嘅店..各位朋友仔可以租车出游.会多好多乐趣...
以下所有路程都用单车游嘅速度计算..可能有多少出入..
and..沿路都有好多大大小小嘅景点..空闲嘅话都可以入去睇睇...
当然..都可以选择坐车.岛上有公交.而且好多地方都可以去.不过唔推荐.无乜意思..
第一站-黄埔军校
由码头出黎,沿大路(金洲北路)一直走就可以见到军校嘅路口.
而且会有好多路牌指引..搵军校好容易..路程约10分钟
黄埔军校唔洗多介绍啦..自己入去游荡就系了..
第二站-长洲文化旅游度假村&附件景点..
从军校行翻出金洲北路.约10分钟路程就可以见到长洲文化旅游度假村嘅牌坊..
系噶度入去就系长洲文化旅游度假村(废话)..
而牌坊斜对面..亦会有其他嘅景点..具体自己发掘啦...
第三站-辛亥革命纪念馆&微博之前传嘅煲仔饭(好恶毒嘅野食啊)
系去到纪念馆之前.都会有D其他景点..呢度就唔全部讲了...
到纪念馆约10分钟..纪念馆系免费的.只需要带上身份证就得了..
好..跟住系煲仔饭..间店就系纪念馆嘅左边..(面对纪念馆的左边)
感觉还可以..有兴趣嘅朋友仔可以去试下..(好好搵..就得一间系煲仔饭)
系纪念馆隔离条路一直入去.就可以去到江边..沿路风景很好..
沿江边一直走..途经中山公园(适合放风筝)..然后就可以出翻金洲北路..过桥!
第四站-深井
过桥之后即刻右转!沿大路行就可以了..
沿路有其他景点..自己去睇啦..
跟住就可以见到深井码头啦..
额..呢度唔俾影相的..江边都有提示..各位注意啦...
之前都讲过.深井去新洲嘅船系逢每小时0分。30分开出,蚊2/位
江边有好多大排档..好唔好食就见仁见智啦..唔讲咁多..
第五站-新洲码头
呢班船大约坐7分钟左右.沿路风景还OK..
出佐码头之后.就有公交车可以去到黄埔村..不过我系踩单车的.忽略佢..
第五站-黄埔村
出佐新洲码头之后靠左行..
(我一出黎直觉就话俾我知行右边..于是..我行错佐..
)
沿新港东路一直走..路上比较大尘..不过路况还好..要注意大货车哈..
路程约15分钟..我当时天开始黑..路上人少车唔多..几怕行错路..
不过唔洗惊..当你迷惘嘅时候..搵个人问下路就得了..我就系咁的了..路痴啊...
当你见到凌志4S店嘅时候就差唔多到了..噶度有个公交车总站..而且人比较多!
系咪见到牌坊呢...见唔到??唔紧要..因为佢装修紧..
OK..接落黎就紧系由牌坊入去啦..
入面有各种石板路.各种小店..各种小巷...各种迷路....囧...
由于天黑.好多都关晒门..所以无乜相..各位自己去现场睇啦..
穿过黄埔村之后..就系黄埔古港了..
传闻中嘅各种艇仔粥.各种姜撞奶..
我去到之后..由于天黑..全部收晒市...囧...
由于唔多爱姜撞奶..所以去佐呢间..
招牌濑粉喔...不过我觉得D饺子唔错咯..
我唔系卖广告的..噶边仲有好多野食..当然亦都有其他景点..不过千奇唔好晚黑去咯...
OK..然后就系回程了..回程参照去嘅时候嘅路就得了...
各位早上去嘅时候可以慢慢行..会有意思好多咯..鬼叫我天黑去咩..
最后..提几个注意事项及建议:
A.第一当然系安全..一班人踩单车嘅时候千奇唔好系路上嬉戏..好危险..
系船上面唔好靠咁出..跌落江唔系讲笑的..而且船上风比较大.呢个都要多注意..
当然仲有个人财产安全.呢样唔洗讲咁多啦..
B.注意各景点关门时间..呢个我都唔多清楚..各位去嘅时候自己把握啦..
不过一般唔系太阳落山之后去都无咩的了..
C.注意尾班船..一般10点前都可以上到船..不过最好就可以自己睇下码头出面嘅告示牌或者咨询下工作人员..
D.黄埔村入面有D小巷路较窄.而且人可能会多D..唔好踩咁快..毕竟我地系观光.唔系赛车..
E.沿路有唔少公厕..呢样做得好好..有需要的话就多注意下..唔难搵的..
F.系纪念馆后江边转出金洲北路之后..唔转入深井而一直向前走..
会有其他景点..而且一直走就系大学城了..
G.各类特色自己发掘..我都唔多清楚..后面有深井古村落之类的...
H. H.?无H了..就咁吧..祝各位朋友仔有个愉快旅程..
由于我系黄埔人,所以都系由鱼珠码头开始出发..
下次行程打算系..
鱼珠码头--长洲--大学城--小洲村...
小洲好多人都知道啦..哈哈..
